رۆژى سێشەممە 26/1/2010 سەرۆکى ژوور پێشوازى لە بازرگانانى تورکیا و مۆڵداڤیا کرد، لە دانیشتنێکدا دواى بەخێرهێنانیان سەرۆکى ژوور باسى لە پەیوەندیەکانى هەرێم لەگەل تورکیا و دەرفەتى کارکردن لە کوردستان و ئاستى پێداویستیەکانى هەرێم لە رووى وەبەرهێنان و پیشەسازی و کشتوکالیدا روونکردەوە و لە پاشان وەلامى پرسیارەکانى ئەوانى دایەوە، دواتریش بە مەبەستى هاندانى بازرگانانى تورکیا و ولاتى مۆڵداڤیاى ئەوروپا تەئکیدى لەسەر هاوکاریەکانى حکومەتى هەرێم کردەوە و هەبوونى یاسایەکى پێشکەوتووى لە کوردستان کە بە یاسایەکى هاندەر و سەردەمیانە وەسف دەکرێت شى کردەوە کە دەتوانن وەبەرهێنە بیانیەکان سوودى لێوەرگربگرن. لە لایەکى تریش ئامادەیى خۆى دەربرى بۆ هاوکاریکردنى بازرگانان و کۆمپانیاکانیان بۆ کردنەوەى لق و ئۆفیس لە هەولێرى پایتەختى هەرێمى کوردستان کە بە هۆیەوە دەتوانن بە ئازادى لە سەرتاسەرى عێراقدا کاربکەن لەبەر ئەوەى هەولێر دەروازەیەکى گرنگى ئابووریە بۆ هەموو عێراق. لە کۆتایى بازرگانانى تورکیا و مۆلداڤیا هەریەک بەجیا سوپاسگوزارى خۆیان ئاراستەى سەرۆکى ژوور کرد بۆ ئەو پێشوازی و روونکردنەوانەى کە پێى ئاشنا بوون.