رۆژى پێنج شەممە 3/12/2009 بە ئامادەبوونى حبیب الله پور موتەهەر بەرپرسى بەشى بازرگانى لە قونسولخانەى کۆمارى ئیسلامى ئێران شاندێکى هاوبەشى بازرگانى و حکومى ئێرانى شارەکانى ئەسفەهان و ورمێ و تەبریز کە بە مەبەستى بەشداریکردن لە پێشانگاى دهۆک لە کوردستان بوون هاتنە هەولێر و سەردانى ژووریان کرد و لەگەل ئەنجوومەنى کارگێ ى ژوور کۆبونەوە. دارا جەلیل خەیات سەرۆکى ژوور لە ووتەیەکدا باسى لە رەوشى ئێستاى پەیوەندى نێوان هەرێم و کۆمارى ئیسلامى کرد و کرانەوەى دەروازەى حاجی ئۆمەرانى بە بەردەوامى بە گۆرانێکى گرنگ وەسف کرد و ئاستى پەیوەندیەکانى بە باشى دانا و بەشداریکردنى بازرگانانى ئێرانی لە پێشانگاى دهۆک بە گرنگ لە قەلەمدا و هیواى خواست پەیوەندیەکان باشتر بێت و فراوانتربکرێت، دواتریش بەرپرسى بازرگانى قونسولیەى کۆمارى ئیسلامى لە هەولێر ئامادەیى خۆى بۆ هاوکاریکردنى بازرگانانى هەردوولا خستەروو بۆ ئەوەى بتوانن پەیوەندى دروست بکەن و کارى هاو بەش ئەنجام بدەن دواتریش ئەندامانى شاندەکە خۆیان و کار و پرۆژەکانیان ناساند و چەندین راو و بۆژوون خرانە بەرباس و وەلامى پرسیارەکانیان لە لایەن سەرۆکى ژوور درایەوە.