له چوارچێوه‌ى هه‌ست كردن به پرسياريه‌تى كۆمه‌ڵايه‌تى و هه‌ستى نه‌ته‌وايه‌تى و پشتگيرى له هێزى پێشمه‌رگه‌ى كوردستان، به‌ڕێز سالار جه‌لال قادر فاته‌كه ئه‌ندامى ئه‌نجومه‌نى كارگێڕى ژوورى بازرگانى و پيشه‌سازى هه‌ولێر، خانوويه‌كى به‌خشى به خانه‌واده‌ى شه‌هيد ئه‌زوه‌ر عه‌بدولڕه‌حمان كه له 5/6/2021 له چياى مه‌تين له لايه‌ن چه‌كدارانى په‌كه‌كه له‌گه‌ڵ چه‌ند هه‌ڤاڵێكى ترى شه‌هيد كرابوو.
ئه‌م كاره خێرخوازيه له‌سه‌ردانێكى خێرخوازى ناوبراو به ياوه‌رى ئومێد خۆشناو پارێزگاى هه‌ولێر بۆ ماڵى شه‌هيد و به‌سه‌ركردنه‌وه‌ى خێزانه‌كه‌ى كه له بارێكى ئابوورى خراپدا ژيان به‌سه‌ر ده‌به‌ن راگه‌يه‌نرا.
شايانى باسه ئه‌مه يه‌كه‌م كارى خێرخوازى سالار جه‌لال قادر فاته‌كه نيه، چه‌ند جارى تريش كارى له‌و شێوه‌يه‌ى له بارودۆخى جيادا ئه‌نجام داوه.