لە 12-14/12/2010 بە هەماهەنگى ژوور گروپى (هورس ابو شقراء و شرکائهم) دەربارەى سیستەمەکانى ژمێریارى کارپێکراو و یەکخستنى لەگەڵ پێوەرە ژمێریاریە نێودەولەتیەکان و بەرنامەکانى زانیارى ئامێز بۆ ژمارەیەک بەشداربوو لە دەزگاى جیاجیادا کردەوە.
لە ماوەى سێ رۆژى ئەو خولەدا تەواوى ئەو بابەتانەى کە پەیوەندیان بە سیستەمى ژمێریارى یەکگرتووى عێراقى هەیە تاوتوێکران و دواتریش چۆنیەتى رێکخستن لەگەڵ پێوەرە نێودەولەتیەکان شى کرایەوە، هەروەها چۆنیەتى ئەنجامدانى کارى ژمێریارى ئەلیکترۆنى شرۆڤە کراو تەواوى لینک و هێماکانى کار لەسەرکردنى روون کرایەوە...
لە رۆژى سێیەمیشدا لەگەڵ کۆگایی کردن و چۆنیەتى مامەلەکردن لەگەڵ کۆگایی کراوەکان و کرێ و بیناو چەندین لایەنى تر کە لایەنێک لە بابەتى ژمێریارى پێک دەهێنێت و چۆنیەتى مامەڵەکردن لەگەڵ هەریەک لەو لایەنانە باسیان کرا.
جێى ئاماژە پێکردنە کە وانەکانى ئەم خولە لە لایەن چەند راهێنەر و شارەزایەکى لبنانى نێودەولەتى وترانەوە، بەشداربوانى خولەکەش  بریتى بوون لە ژمارەیەک لە ژمێریار و شارەزاى ژمێریارى بانکەکان و ژوورى بازرگانى هەولێر.
لە کۆتایی دا بروانامەى بەشداریکردن لە خولەکەدا بەسەر بەشداربووەکان دابەشکرا

8/12/2010 لە دوو کۆبونوەى جیاوازدا سەرۆکى ژوور لەگەڵ هەریەک لە شاندى بازرگانى کۆمارى ئیسلامى ئێران و کۆمارى تورکیا کۆبونەوە.
هەردوو شاندى بازرگانى پێک هاتبوون لە ژمارەیەک لە بازرگان و پیشەساز و خاوەن نوێنەرى کۆمپانیا لە بوارى جیاجیادا، دواى ئەوەى ئەندامانى شاندەکان خۆیان ناساند و باسیان لە کار و چالاکیەکانیان کرد لە لایەن سەرۆکى ژوورەوە تەواوى پرسیارەکانیان وەلام درانەوە هەروەها رێنوێنى کران بۆ چۆنیەتى جێبەجێکردنى کارەکانیان لە هەرێمى کوردستان و میکانیزمى دەست بەکاربوون و کردنەوەى ئۆفیس و کۆمپانیا و لق بۆ کۆمپانیاکانیان بۆ شى کردنەوە هەروەها تیشکى خستە سەر یاساى وەبەرهێنان و ئەو کەرتانەى دەست نیشان کرد کە حکومەتى هەرێمى کوردستان لە سالى ئایندەدا گرنگیان پێ دەدا دەست نیشانکرد کە بریتیە لە پیشەسازى و گەشتیارى بۆیە داواى کرد هەولەکانیان بۆ کارکردن لەو دوو بوارەدا چربکەنەوە بۆ ئەوەى پشتگیرى بۆ بەرنامەکانیان وەدەست بێنن، هەروەها ئامادەیی خۆشى بۆ هاوکارى کردنیان راگەیاند