شاندێکى بازرگانى شەمزینان کە لە 18 بازرگان و پیشەساز پێکهاتبوو، رۆژى 25/5 سەردانى ژووریان کردو، لەلایەن سۆران ئەبووبەرکر جێگرى دووەمى سەرۆکى ژوورو، ژمارەیەک لە ئەندامانى ئەنجومەنى کارگێڕى ژوور پێشوازییان لێکرا. دواى گفتوگۆکردن لەسەر رەوشى کارکردن و، پەیوەندییەکانى نێوان هەولێرو شەمزینان، پرۆتۆکۆڵێکى پەیوەندى لەنێوان جێگرى دووەمى سەرۆکى ژوورو، سەبیح کەیهان سەرۆکى ژوورى شەمزینان ئیمزا کرا. ئێوارەى هەمان رۆژ لەبارەگاى ژوور، کۆبوونەوەیەکى فراوان لەنێوان شاندەکەو ژمارەیەک بازرگان و پیشەسازى هەولێر سازکرا، بەمەبەستى دروستکردنى پەیوەندى و ئەنجامدانى کارى هاوبەشى بازرگانى.

رۆژى یەک شەممە 24/5/2009 ئیبراهیم سۆفى جێگرى یەکەمى سەرۆکى ژوور بە ئامادەبوونى ژمارەیەک لە ئەندامانى ئەنجوومەنى کارگێرى پێشوازیان کرد لە مبارک ناسر ئەلسایر ئەندامى ئەنجومەنى ئیدارەى جێبەجێکارى کۆمپانیاى ئەلسایرى کوێتى و شاندى یاوەرى کرد. لە دانیشتنێکدا دواى بەخێرهێنانى شاندى میوان ئیبراهیم سۆفى باسى ژوور و یەکێتى ژوورەکانى بازرگانى و پیشەسازى کوردستان و پەیوەندیەکانى پێشووى بازرگانانى هەولێر لەگەل ولاتى کوێت کرد و حۆشحالیخۆى دەربرى لە بەرامبەر ئەو سەردانە و نیازى کۆمپانیاى ئەلیاسر دەربارەى کارکردن لە کوردستان، باسى لە بارى ئازادى کوردستان کرد و ئاماژەى بە زەمینەى لەبارى کوردستان کرد بۆ وەبەرهێنان و سیستەمى کارى بانکى و رۆلى بەنکە ئەهلیەکانى بۆ مامەلە لەگەل دەرەوەدا شى کردەوە. مبارک ناسر حۆشحالى لە بەرامبەر ئەو پێشوازیە و هەلسوکەوتى خەلکى کوردستان لەگەل شاندى میوان هەر لە فرۆکەخانەوە تا دام و دەزگاکانیش دەربرى و میلەتى کوردى بە میللەتێکى رێزگر وەسف کرد و ئامادەیى خۆى و کۆمپانیاى ئەلسایرى دەربرى بۆ کارکردن لە کوردستان لەبەر ئەو بارە سەقامگیرەى کە لە کوردستان هەیە کە زۆر کەس و کۆمپانیا تا ئێستا ئەو هەقیقەتە نازانن بە چاوێکى پر لە گومانەوە سەیرى کوردستان دەکەن و بە هەمان شێوەى بەشەکانى دیکەى عێراق سەیرى دەکەن. بۆ زیاتر رێزلێنان لە شاندى میوان جێگرى سەرۆکى ژوور لۆگۆى ژوورى بازرگانى و چەند دانەیەک لە رێبەرى ژوورى پێشکەش بە مبارک ئەلسایر کرد و ئامادەیى خۆى و ژوورى بۆ هاوکارى کردنیان پێ راگەیاند دواتریش بۆ خواردنى نیوەرۆ.