رۆژى سێشەممە 15/12/2009 بە ئامادەبوونى ماجد جەلال خەلیل ئەندامى ئەنجوومەنى کارگێرى ژوور لە ژوور کۆبونەوەیەکى فراوان لە نێوان شاندى بازرگانى تورکى بوارى پێداویستى پزیشکى و خزمەتگوزاریەکانى نەخۆشخانە و ئەو بەرهەمانەى کە تەنها بۆ جارێَک بەکاردەهێنرێت و ژمارەیەک خاوەن کۆگاکانى دابەشکردنى دەرمان و دەرمانخانەکان بەرێوەچوو. سەرەتا ماجد جەلال باسى لە هەولەکانى ژوور کرد بۆ سازکردنى کۆبونەوە و بە یەکترگەیاندنى بازرگان و پیشەسازانى هەولێر لەگەل ئەو شاندە بازرگانیانەى دێنە هەرێمى کوردستان، دواتریش ئامادەیى خۆى و ژوورى بازرگانى دەربرى بۆ هاوکارى کردن و پێشکەشکردنى ئاسانکارى بۆ ئەوەى بتوانن بازرگانان کارى هاوبەش بکەن و پەیوەندى بازرگانى لەگەل یەکتر گرێبدەن. لە پاشان هەریەک لە ئامادەبوان خۆیان و کار و چالاکیان ناساند و لەگەل یەکترى کەوتنە گقتوگۆکردن.

15/12/2009 بە ئامادەبوونى عبدالکریم مستەفا عەتتار ئەندامى ئەنجوومەنى کارگێرى ژوور کۆبوونەوەیەکى فراوان بۆ شاندێکى بازرگانى ژوورى بازرگانى ئەستەنبۆل و پیاوانى کارى ئەستەنبول سازکرا. سەرەتا عبدالکریم مستەفا بەخێرهاتنى ئامادەبوانى کرد و باسى لە رۆلى کۆمپانیا تورکیەکان کرد کە لە کوردستان کاردەکەن، هەروەها ئامادەیى ژوورى بۆ سازکردنی ئەو جۆرە کۆبوونەوانە لە چوارچێوەى دروستکردنى پەیوەندى لە نێوان بازرگانى هەولێر و شاندە بازرگانیەکاندا چرکردەوە و هیواى خواست کە ئەم کۆبونەوەیە وەک کۆبونەوەکانى تر ببێتە مایەى دروستکردنى پەیوەندى و کارى بازرگانى. لە پاشان سەرۆکى شاندەکە مەبەستى سەردانەکەیانى راگەیاند کە دەیانەوێت وەبەرهێنان لە کوردستان بکەن و پەرە بە بوارى بازرگانى نێوان هەرێمى کوردستان و تورکیا بدەن. لە پاشان ئامادەبوان لە شاندى بازرگانى تورکی و بازرگانانى ئامادبوو خۆیان و کارەکانیان ناساند و دەرگاى گفتوگۆ و پرسیار کرایەوە و لە لایەن عەبدولکەریم مستەفا و فیدائەدین گەردی ئەندامانى ئەنجوومەنى کارگێرى ژوور وەلامیان درایەوە. لە لایەکى تریش بەر لە تەواو بوونى کۆبونەوەکە شاندێکى بازرگانى ئەنتالیا کە پێک هاتبوون لە ژمارەیەک خاوەن کۆمپانیا و بازرگانانى بوارى بیناسازى و شارەوانى ئامادەى کۆبونەوەکە بوون، دواى خۆ ناساندنیان وەلامى پرسیارەکانیان درایەوە.