26 كۆمپانياى يۆنانى به‌شدار ده‌بن له كۆنفڕانسى ئابوورى و بازرگانى نێوان وڵاتى يۆنان و هه‌رێمى كوردستان
رۆژى 5/7/2021 سۆران ئه‌بوبه‌كر عه‌زيز جێگرى سه‌رۆكى ژوور پێشوازى كرد له جێگرى كونسوڵى گشتى يۆنان له هه‌ولێر.
له‌م ديداره‌دا گفتوگۆ كرا ده‌رباره‌ى ئه‌و كۆنفڕانسه بازرگانيه‌ى كه بڕيار وايه به‌م نزيكانه له نێوان وڵاتى يۆنان و هه‌رێمى كوردستان له شارى هه‌ولێر سازبكرێت.
جێگرى كونسوڵى يۆنان وتى: له‌م كۆنفڕانسه‌دا 26 كۆمپانياى يۆنانى له سێكته‌ره‌كانى (پيشه‌سازى، خواردن و خواردنه‌وه، داو و ده‌رمان، وزه و بنياتنان و ئه‌ندازيارى) به‌شدارى تێدا ده‌كه‌ن.
سۆران ئه‌بوبه‌كر وتى: هه‌ماهه‌نگتان ده‌بين له به‌رامبه‌ردا ئێمه‌ش كۆمپانيا كوردستانييه‌كانى هه‌مان سێكته‌ر داوه‌ت ده‌كه‌ين و به‌شدار بن له‌م كۆنفڕانسه و دانيشتنى B2B رێكده‌خه‌ين.
بۆ ئه‌م مه‌به‌سته‌ش هه‌ر بازرگانێك، وه‌به‌رهێنه‌رێك و خاوه‌ن كۆمپانيايه‌كى هه‌رێمى كوردستان له‌م سێكته‌رانه‌ى كه له‌سه‌ره‌وه ئاماژه‌ى پێدراوه نيازى چاوپێكه‌وتنيان هه‌يه له‌گه‌ڵ كۆمپانيا به‌شداربووه‌كانى يۆنان، په‌يوه‌ندى بكه‌ن به ژوور ياخود سه‌ردانى ژوورى بازرگانى و پيشه‌سازى هه‌ولێر به‌شى په‌يوه‌ندييه‌كان بكه‌ن پێش رۆژى پێنج شه‌ممه 8/7/2021.