رۆژى 21/1/2021 د. دارا جه‌ليل خه‌يات سه‌رۆكى ژوور پێشوازى كرد له خاتوو مه‌ياده محه‌ممه‌د ئيسماعيل نه‌جاڕ ئه‌ندامى ئه‌نجومه‌نى نوێنه‌رانى عێراق و ئه‌ندامى لێژنه‌ى ئابوورى و وه‌به‌رهێنان.
له ديدارێكدا باس له ره‌وشى بازرگانى و ئابوورى و ئاستى وه‌به‌رهێنان له عێراق به گشتى و هه‌رێمى كوردستان به تايبه‌تى كرا.
هه‌روه‌ها تيشكيان خسته سه‌ر په‌ره‌پێدانى كه‌رته‌كانى كشتوكاڵ، گه‌شت و گوزار و پيشه‌سازى، له لايه‌ن كه‌رتى تايبه‌ت و گشتى بۆ زياتر كردنى داهات بۆ وڵات و ره‌خساندنى هه‌لى كار.
هه‌ر له‌م ديداره‌دا باس له په‌ره‌پێدانى زياترى په‌يوه‌ندييه بازرگانييه‌كان كرا له‌گه‌ڵ وڵاتان له لايه‌ك و به‌ستنى سيمينار و كۆبوونه‌وه و كۆنفڕانس له نێوان كۆمپانياكان له‌سه‌ر ئاستى ناوخۆيى و پارێزگاكانى عێراق له لايه‌كى تر.