رۆژى 22/7/2019 د. دارا جه‌ليل خه‌يات سه‌رۆكى ژوور به ئاماده‌بوونى مه‌لا مه‌جيد سورچى جێگرى سه‌رۆكى ژوورو ژماره‌يه‌ك له ئه‌ندامانى ئه‌نجومه‌نى كارگێڕى ژوور پێشوازييان كرد له خاتوو ماريسا سميز به‌رپرسى نوێ ى به‌شى بازرگانى له كونسوڵخانه‌ى گشتى ويلايه‌ته يه‌كگرتووه‌كانى ئه‌مريكا له هه‌ولێر.
له ديدارێكدا باس له په‌يوه‌ندييه بازرگانيه‌كان كرا له نێوان ويلايه‌ته يه‌كگرتووه‌كانى ئه‌مريكاو هه‌رێمى كوردستان.
سه‌رۆكى ژوور وتى له ماوه‌ى ئه‌م چه‌ند ساڵه‌ى دواييدا چالاكيه بازرگانيه‌كان له‌نێوان ئه‌مريكا و كوردستان گه‌شه‌ى باشى به‌خۆيه‌وه بينيوه، ئه‌نجامدانى واژوو كردنى يادداشتنامه‌ى لێكگه‌يشتن له نێوان ژووره بازرگانيه‌كانى هه‌رێم و كوردستان هه‌نگاوێكى گرنگ بوو له ماوه‌ى داهاتووشدا به هاوكارى گشت لايه‌ك هه‌وڵ ده‌ده‌ين بڕگه‌كانى ئه‌م يادداشتنامه‌يه جێ به جێ بكه‌ين.
وتيشى: كردنه‌وه‌ى لقى براندى كۆمپانيا ئه‌مريكيه‌كان له هه‌رێم و فراوان كردنى بازرگانى له گشت كه‌رته‌كان ئاواتى ئێمه‌يه.
د. دارا وتيشى ئێمه بێ جياوازى هه‌وڵمانداوه په‌يوه‌ندى له‌گه‌ڵ گشت ژووره بازرگانيه‌كان ببه‌ستين و هه‌ميشه ده‌رگامان واڵايه بۆ هاوكارى و هه‌ماهه‌نگى گشت لايه‌ك.
رۆژى 17/7/2019 به ئاماده‌بوونى د. دارا جه‌ليل خه‌يات سه‌رۆكى ژوور و جێگر و ئه‌ندامانى ئه‌نجومه‌نى كارگێڕى ژوور، د. كاوه شێروانى سه‌رۆكى زانكۆى پۆليته‌كنيكى هه‌ولێر و راهێنه‌ر و به‌شداربووانى خولى سه‌ره‌تايه‌ك بۆ فرۆشتن بڕوانامه‌يان پێ به‌خشرا.
له كۆبوونه‌وه‌يه‌ك دا سه‌رۆكى ژوور وته‌يه‌كى پێشكه‌ش كرد باس له گرنگى و به‌رده‌وامى كردنه‌وه‌ى ئه‌م جۆره خولانه كرد، هاوكارى و پاڵپشتى ژوورى بازرگانى دووپاتكرده‌وه، هيواى سه‌ركه‌وتنى بۆ به‌شداربووانى ئه‌م خوله خواست.
شايانى باسه خولى (سه‌ره‌تايه‌ك بۆ فرۆشتن) خولێكى په‌ره‌پێدانى پراكتيكى و پرۆفيشناڵ بوو، ئاماده‌كرابوو بۆ يارمه‌تيدانى قوتابيان و ده‌رچووانى زانكۆ به مه‌به‌ستى به‌رزكردنه‌وه‌ى تواناو لێهاتوويان له رووى بازاڕگێڕى و فرۆشتنه‌وه، به ئامانجى به‌رزكردنه‌وه‌ى هه‌لى كار له‌و بواره.
ئه‌م خوله له لايه‌ن ژوورى بازرگانى و پيشه‌سازى هه‌ولێر، زانكۆى پۆليته‌كنيكى هه‌ولێر به پالپشتى ئه‌نجومه‌نى توێژينه‌وه و ئاڵوگۆڕى نێوده‌وڵه‌تى ساز كرا.
خوله‌كه 15 كاتژمێر بوو ماوه‌ى 5 رۆژى خاياند 23-27/ 6/ 2019، 38 قوتابى و ده‌رچووى زانكۆ لێ ى سوودمه‌ند بوون.
1$=1488
به‌های گۆرینه‌وه‌ی دیناری عیراقی به دولاری ئه‌مری...
