تۆ لێرەیت: ErbilChamberبابه‌ت فلته‌ر كراوه‌ به‌پێی به‌روار: دوو شەممە, 18 ئایار 2015
لە میانی بەشدارییان لە كۆنگرەی پۆلەند-ئەرەبیا لە شاری ووچ لە پۆڵەندا شاندی ژووری بازرگانی و پیشەسازی هەولێر كە پێكهاتبوون لە بەڕێزان ئیبراهیم سۆفی جێگری یەكەمی سەرۆكی ژوور و سالار جەلال و سەركەوت جەمال وە فیدائەددین گەردی ئەندامانی ئەنجومەنی كارگێڕی ژوور رۆژی 14ی ئایار چاویان كەوت یونس تیجانی باڵیۆزی مەغریب لە وڵاتی پۆڵەندا.
لە دیدارێكدا هەردوولا باسیان لە پەیوەندییە ئابووری و بازرگانیەكانی نێوانیان كرد، باڵیۆزی مەغریب بەڵێنی دا كە لەماوەیەكی نزیكدا بە داوەتێكی فەرمی بانگێشتی شاندێكی ژووری بازرگانی هەولێر بكات بۆ مەغریب بۆ زیاتر پەرەپێدانی پەیوەندییە بازرگانیەكان.
 
بڵاوكراوه‌ته‌وه‌ له‌ هه‌واڵ
شاندێكی ژووری بازرگانی و پیشەسازی هەولێر كە پێكهاتبوون لە بەڕێزان ئیبراهیم سۆفی جێگری یەكەمی سەرۆكی ژوور و سالار جەلال و سەركەوت جەمال وە فیدائەددین گەردی ئەندامانی ئەنجومەنی كارگێڕی ژوور، رۆژی 12ی ئایار لە شاری ووچ لە پۆڵەندا بەشدارییان لە كۆنگرەی پۆلەند-ئەرەبیا كرد.
كۆنگرەكە سێ رۆژی خایاند، لە رۆژی یەكەمدا ووتەی ژووری بازرگانی و پیشەسازی هەولێر خوێندرایەوە، رۆژی دووەم لە لایەن شاندی بازرگانی هەولێر پەنەلێكیان بۆ بەشداربووانی كۆنگرەكە سازكرد كە باسی لە رەوشی ئابووری و وەبەرهێنان دەكرد لە هەرێمی كوردستان لە كۆتایی رۆژی كۆنگرەكە لۆگۆی ژووری بازرگانی و پیشەسازی هەولێر پێشكەش بە سەرۆكی ژووری بازرگانی شاری ووچ كرا.
شایانی باسە لەم كۆنگرەیە ئاڵای هەرێمی كوردستان شان بە شانی ئاڵای ووڵاتانی بەشداربووی كۆنگرە لەسەر باڵاخانەی شوێنی كۆنگرەكە دانرابوو.
دواتر شاندی ژوور سەردانی باڵیۆزخانەی عێراقیان كرد لە پۆڵەندا، لە لایەن ئەسعەد سولتان باڵیۆزی عێراق لە پۆڵەندا پێشوازییان لێكرا، ئامادەیی خۆی دەربڕی بۆ هەموو هاوكارییەك.
 
بڵاوكراوه‌ته‌وه‌ له‌ هه‌واڵ
بە چاودێری وەزارەتی ئاوەدانكردنەوە و نیشتەجێكردن لە حكومەتی هەرێمی كوردستان وە بە ئامادەبوونی دەرباز كۆسرەت رەسول وەزیری ئاوەدانكردنەوە و نیشتەجێكردن و نەورۆز مەولود وەزیری شارەوانی و گەشت و گوزار و ساماڵ محەممەد وەزیری بازرگانی و پیشەسازی و نەوزاد هادی پارێزگاری هەولێر و دارا جەلیل خەیات سەرۆكی ژووری بازرگانی و پیشەسازی هەولێر وە ژمارەیەك لە پیاوانی خاوەنكار و خاوەن كۆمپانیا رۆژی 14ی ئایار نۆیەمین پێشانگای نێودەوڵەتی هەولێر بۆ ئاوەدانكردنەوە و بەردی سروشتی و سیرامیك لەسەر زەوی پێشانگای نێودەوڵەتی هەولێر لە پاركی سامی عەبدولرەحمان كرایەوە.
ئەم پێشانگایە ماوەی 4 رۆژی خایاند وە 180 كۆمپانیا لە 11 ووڵاتی جۆراو جۆر بەشدارییان تیا كرد.
 
بڵاوكراوه‌ته‌وه‌ له‌ هه‌واڵ

بڵاوکراوه‌کان

ڕۆژنامه‌ی بازرگانی سه‌رده‌م

ڕێبه‌ری ژوور

هه‌واڵی چاوه‌ڕوانكراو

سعر الصرف

به‌های گۆرینه‌وه‌ی دیناری عیراقی به‌ دولاری ئه‌مری...

«
»
« February 2015 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28  

نرخی دراو

نرخی دراو

کەشوهەوای هه‌ولێر

ئاگاداری

Copyright © 2012 Erbil Chamber. All Rights Reserved. سه‌ره‌وه‌ ↑