بەڕێوبەری بانك زۆر سوپاسی سەرۆكی ژووری كرد بۆ ئەم دەرفەتە ئامانجی هاتنەكەی بۆ ژوور روونكردەوە داوای كرد هەماهەنگیەك دروست بكەن لە نێوان ژوور و بانكەكەیان بە هۆی ئەوەی كە ژووری بازرگانی و پیشەسازی رۆڵێكی گرنگی هەیە لە هەرێم و ژمارەیەكی زۆریش ئەندامی هەیە، هەروەها داواشی كرد كە هەر جارە و بژاردەیەك لە بازرگانان كە ئەندامن لە ژوور بانگێشت بكەین بۆ بۆنە و ئاهەنگەكانمان، ووتیشی ئێمە چاوەڕێی داهاتوویەكی ئابووری گەش لە هەرێم دەكەین و لە هەوڵیشداین كارەكانمان زیاتر پەرەبسێنین.

لە لایەن خۆشیەوە سەرۆكی ژوور خۆشحاڵی خۆی دەربڕی بۆ ئەم سەردانە و پیرۆزبایی باڵاخانەی نوێشی لێكردن، داواشی لێكردن كە ئێوە وەكو بانكێكی كەرتی تایبەت گرنگی بدەن بەپێدانی قەرز بە هاوڵاتیان و بە خستنە سەرێكی كەم دوای وەرگرتنەوە وە نیگەرانی خۆشی دەڕبڕی بەوەی كە شارێكی گەورەی وەكو هەولێر ژمارەیەكی كەمی بانكی كەرتی تایبەت هەن ئەمەش لە كاتێك دایە گەشەی ئابووری هەولێر زۆر بە خێرایی تەشەنەدەكات و هیواشی خواست لەماوەی داهاتوو دا بانكی تری جیهانی و كەرتی تایبەت هاوشێوەی ئێوە لقی خۆیان بكەنەوە و بەشداربن لە بوژانەوەی هەرێم لە كۆتاییشدا ئامادەیی خۆیی و ژووریشی بۆ هەموو چۆرە پاڵپشتیەك و هاوكارییەك دەربڕی.

 

 سەرۆكی ژووریش لە وەڵامدا ئەرك و رۆڵی ژووری بۆیان روونكردەوە و باسیشی لە دوایین چالاكی كرد كە كۆنگرەی ژوورە بازرگانیەكانی عەرەب بوو لە هەولێر بەسترا سەركەوتنێكی گەورەشی بەدەستهێنا، سەبارەت بە پەیوەندی ژووریش لەگەڵ ژوورەكانی عێراق و ووڵاتانی دراوسێ ووتی: پەیوەندییەكی زۆرباشمان هەیە لەگەڵ ژوورەكانی عێراق و كوردستان و ئێستا جگە لە سەرۆكی ژووری بازرگانی و پیشەسازی هەولێر سەرۆكی ژوورەكانی بازرگانی و پیشەسازی كوردستانم و جێگری سەرۆكی ژوورەكانی بازرگانی عێراقم وە سەبارەت بە پەیوەندیشمان لەگەڵ ژوورەكانی دەرەوە زۆرباشەو هەردوو ژووری بازرگانی دوبەی و غازی عەنتاب ئێستا نوسینگەیان لە هەرێم كردۆتەوە و پرۆتۆكۆلی بازرگانی و هەماهەنگیشمان لەگەڵ چەندین ژووری بازرگانی هەیە.

سەبارەت بە پەیوەندی ژووریش لەگەڵ كۆمپانیاكان و قەبارەی كۆمپانیا ئەندامەكان لە ژوور سەرۆكی ژوور ووتی: ژمارەیەكی زۆر لە كۆمپانیای بیانی و لۆكاڵی ئێستا ئەندامن لە ژوور و پەیوەندیشمان زۆر باشە لەگەڵیان وە زۆر رازیشین لە ئیش و كارەكانمان بەڵام پێویستی بە رێكخستنی زیاتر هەیە.