تۆ لێرەیت: ErbilChamberبابه‌ت فلته‌ر كراوه‌ به‌پێی به‌روار: سێ شەممە, 05 شوبات 2013

رێككه‌‌وتی 5/2/2013، له‌میانه‌ی پێشوازیکردنی له‌لایه‌ن به‌ڕێز دارا جه‌‌لیل خه‌‌یات سه‌‌رۆكی ژووری بازرگانی و پیشه‌‌سازی هه‌ولێر له‌باره‌گه‌ی ژوور، ‌به‌ڕێز کودی لی به‌رپرسی کاروباره‌کانی  رۆژهه‌ڵاتی ناوه‌ڕاست و ئه‌فریقیا له‌یه‌کێتی خاوه‌نکارانی سه‌نگافۆرا که‌به‌یاوره‌ی شاندێک هاتنبوونه‌ ژوور، رایگه‌یاند:"ئاماده‌سازی بۆ هاتنی شاندێکی بازرگانیمان بۆ کوردستان ده‌که‌ین له‌ماوه‌ی نێوه‌ی یه‌که‌می ئه‌مساڵدا."

له‌‌سه‌‌ره‌‌تای دیداره‌‌كه‌‌دا، به‌ڕێز دارا جه‌‌لیل خه‌‌یات وێڕای به‌‌گه‌‌رمی به‌‌خێرهێنانی شاندی میوان، هیوای مانه‌‌وه‌‌یه‌‌كی باشی بۆ خواست له‌پایته‌‌ختی هه‌‌رێمدا و وتی:"ئێمه‌‌ خوازیارین كه‌‌ له‌ئاینده‌‌دا که‌په‌یوه‌ندی دووقۆڵی ئابووریمان له‌گه‌ڵ وڵاتی سه‌نگافۆردا ده‌ست پێ بکات، چونکه‌ ئه‌مه‌ سوود و قازانجی بۆ بازرگان و خاوه‌نکارانی هه‌ردوولا تێدایه."

لای خۆیه‌‌وه‌‌، به‌ڕێز کودی لی سوپاسگوزاری خۆی له‌‌به‌‌رامبه‌‌ر پێشوازیلێكردنیدا ده‌‌ربڕی و رایگه‌یاند که‌ ئه‌وان ماوه‌‌یه‌‌كه‌‌ كار له‌‌سه‌‌ر بابه‌تی ده‌ستپێکردنی په‌‌یوه‌‌ندی راسته‌‌وخۆی بازرگانی له‌گه‌ڵ هه‌رێمی کوردستاندا ده‌که‌ن، بۆ ئه‌و مه‌به‌سته‌ش ئاماده‌سازی بۆ هاتنی شاندێکی بازرگانی وڵاته‌که‌یان بۆ هه‌رێم ده‌که‌ن له‌ماوه‌ی نێوه‌ی یه‌که‌می ئه‌مساڵدا.

له‌‌كۆتایی دیداره‌‌كه‌‌شدا، به‌ڕێز خه‌‌یات ئاماده‌‌یی هاوكاریكردن و یارمه‌‌تدانی ژووری بازرگانی ده‌ربڕی له‌‌به‌‌رامبه‌‌ر هاتنی هه‌ر شاند و كۆمپانیایه‌کی سه‌نگافۆری بۆ کوردستان.

بڵاوكراوه‌ته‌وه‌ له‌ هه‌واڵ

رێککه‌وتی 5/2/2013، به‌ڕێز دارا جه‌لیل خه‌یات سه‌رۆکی ژووری بازرگانی و پیشه‌سازی هه‌ولێر له‌باره‌گه‌ی ژوور، پێشوازی له‌به‌ڕێزان مه‌وله‌وی جه‌بار سه‌رۆکی ده‌سته‌ی‌ گشتی‌ گه‌شتوگوزاری له‌هه‌رێمی کوردستان و ژماره‌یه‌ک له‌به‌رپرسانی ده‌سته‌ کرد.

 

له‌سه‌ره‌تای ‌دیداره‌که‌دا، که‌ ژماره‌یه‌ک له‌ئه‌ندامانی ئه‌نجومه‌نی کارگێڕی ژوور ئاماده‌بوون، به‌ڕێز دارا جه‌لیل خه‌یات سه‌رۆکی ژوور وێرای به‌گه‌رمی به‌خێرهێنانی سه‌رۆک و به‌رپرسانی ده‌سته‌ی گشتی گه‌شتوگوزار، ئاماژه‌ی به‌وه‌دا که‌ زیاتر پێشخستنی که‌رتی گه‌شتیاری له‌هه‌رێمی کوردستاندا هه‌وڵ و هیممه‌تی هه‌موو لایه‌کی پێویسته و بۆ ئه‌و مه‌به‌سته‌ش ژووری بازرگانی ئاسانکاری بۆ ئه‌و بازرگان و کۆمپانیایانه‌ی کردووه‌، که‌ له‌کوردستاندا هوتێل و مۆتێل و پڕۆژه‌ی گه‌شتیارییان ئه‌نجام داوه‌ یاخود به‌نیازن ئه‌نجامی بده‌ن.

 

لای خۆیه‌وه‌، به‌ڕێز مه‌وله‌وی جه‌بار سه‌رۆکی ده‌سته‌ی‌ گشتی‌ گه‌شتوگوزار وێڕای ده‌ربڕینی خۆشحاڵی خۆیان له‌به‌رامبه‌ر سه‌ردانیکردنی ژووری بازرگانی، باسی له‌گرنگی هه‌ماهه‌نگیکردنی نێوان ژووری بازرگانی و ده‌سته‌ی کرد له‌راییکردنی کاروباره‌کانی رۆژانه‌ی ئه‌و که‌سانه‌دا که‌ سه‌رقاڵی کار و پڕۆژه‌ گه‌شتیارییه‌کانن له‌ کوردستاندا.

 

له‌لایه‌کی دیکه‌وه‌، به‌ڕێز دارا جه‌لیل خه‌یات سه‌رۆکی ژوور تیشکی خسته‌ کاروباره‌کانی رۆژانه‌ی ژوور، به‌تایبه‌تی له‌بابه‌تی پێدانی ناوه‌بازرگانییه‌کان به‌هۆتێل و مۆتێله‌کاندا، که‌ له‌پاش کارکردنێکی زۆری به‌رپرسانی ژوور پڕۆسه‌که‌ چۆته‌ قۆناغێکی پێشکه‌وتووتر.

 

هه‌ردوولاش به‌گرنگیان زانی، که‌له‌داهاتوودا شاندی هاوبه‌شیان بۆ مه‌به‌ستی کۆربه‌ند و کۆنفڕانسه‌ ئابوورییه‌کان هه‌بێت که‌ له‌وڵاتانی جیهاندا ساز ده‌کرێن.

هه‌رله‌میانه‌ی دیداره‌که‌دا، ئاماده‌بووانی ده‌سته‌ی گشتی گه‌شتوگوزار تیشکیان خسته‌ سه‌ر کار و چالاکییه‌کانی ده‌سته‌ له‌کاتی ئێستادا، هه‌روه‌ها ئه‌و پڕۆژه‌ گه‌شتیارییانه‌ش که‌ ده‌سته پلانی ستراتیژی بۆ داناون، تاکو له‌ئاینده‌دا له‌لایه‌ن وه‌به‌رهێنه‌رانی کوردستانه‌وه‌ بخرێنه‌ بواری جێبه‌جێکردنه‌وه‌.

 

له‌به‌شیکی دیکه‌ی دیداره‌که‌دا، هه‌ردوولا دووپاتیان له‌سه‌ر ئه‌وه‌کرده‌وه‌، که‌ له‌سایه‌ی ره‌وشی ئارامی کوردستاندا، رۆژ له‌دوای رۆژ ژماره‌ی گه‌شتیاران روو له‌زیادبوون ده‌کات، که‌ پێده‌چێت له‌ساڵی 2013دا ئه‌و ژماره‌یه‌ بگاته‌ زیاتر له‌ سێ ملیۆن گه‌شتیار.  ‌ 

 

له‌کۆتایی دیداره‌که‌شدا، دیاری رێزلێنانی ژوور له‌لا‌یه‌ن سه‌رۆکی ژووره‌وه، پێشکه‌ش به‌سه‌رۆک و به‌رپرسانی باڵای ده‌سته‌ی گشتی گه‌شتوگوزاری هه‌رێم کرا.   

بڵاوكراوه‌ته‌وه‌ له‌ هه‌واڵ

بڵاوکراوه‌کان

ڕۆژنامه‌ی بازرگانی سه‌رده‌م

ڕێبه‌ری ژوور

هه‌واڵی چاوه‌ڕوانكراو

سعر الصرف

به‌های گۆرینه‌وه‌ی دیناری عیراقی به‌ دولاری ئه‌مری...

«
»
« February 2020 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29  

نرخی دراو

نرخی دراو

کەشوهەوای هه‌ولێر

ئاگاداری

Copyright © 2012 Erbil Chamber. All Rights Reserved. سه‌ره‌وه‌ ↑