رێککهوتی 20/11/2012، بهڕێز دارا جهلیل خهیات سهرۆکی ژووری بازرگانی و پیشهسازی ههولێر لهبارهگهی ژوور، پێشوازی لهبهڕێز عهبدوڵڵا چهلیک بهڕێوهبهری گشتی بهنکی ئاسیای تورکی و شاندی یاوهری کرد.
لهسهرهتای چاوپێکهوتنهکهدا کهتێدا بهڕێز ئیبراهیم محهمد سۆفی جێگری سهرۆکی ژوور ئامادهیبوو، بهڕێز دارا جهلیل خهیات بهگهرمی بهخێرهێنانی شاندی میوانی کرد و لهکارهکانی بانکی ناوبراوی پرسییهوه.
لای خۆیهوه، بهڕێز عهبدوڵڵا چهلیک وێڕای سوپاسکرنی بۆ پێشوازی لێکردنیان، خۆشحاڵی خۆیان بهسهردانیکردنی ژوور دهربڕی و هیوای خواست کهلهداهتوودا بتوانن خزمهتێکی بهرچاو بکهن لهبواری بهنکداری لهکوردستاندا.
ههروهها تیشکی خسته سهر سروشتی کاروبارهکانی بهنکی ناوبراو و، ئامانجی سهردانهکهی بۆ ژوور خستهروو ئهویش ئامادهباشییه بهمهبهستی ئهنجامدانی مهراسیمی کردنهوهی لقی بهنکهکهیان لهههولێری پایتهختدا و راشیگهیاند کهبڕیاره ئهمڕۆ بهڕێوهبچێت.
لای خۆیهوه، بهڕێز خهیات ئاماژهی بهرهوشی بهنکداری لهکوردستاندا و دووپاتیکردهوه که هاتنی بهنکه بیانییهکان بۆ کوردستان گرنگی زۆری بۆ خهڵكی ههرێم ههیه، چونکه خزمهتگوزارییهکان دهبێته هۆی زیاتر پێشووهچوونی کاره بازرگانییهکان لهگهڵ وڵاتانی دهرهوهدا.
ههروهها وتیشی:"ههرێم زۆر پێویستی بهتوانا و شارهزایی بهنکهکانی دهرهوهیه لهوانیش تورکییهکان، بۆیه دهرگهمان بهروویاندا کراوهیه و ئامادهین هاریکارییان بکهین."
رێککهوتی 8/11/2012، بهڕێز دارا جهلیل خهیات سهرۆکی ژووری بازرگانی و پیشهسازی ههولێر لهبارهگهی ژوور، پێشوازی لهشاندێكی بازرگانی تونس کرد، که لهنوێنهری ژمارهیهک کۆمپانیای ئهو وڵاته پێکهاتبوون.
لهسهرهتای دیدارهکهدا، که بهڕێز سۆران ئهبوبهکر جێگری سهرۆکی ژوور ئامادهیبوو، بهڕێز دارا جهلیل خهیات سهرۆکی ژوور وێڕای بهخێرهێنانی شاندی میوان ئاماژهی بهوهدا که بهردهوامی سهردانیکردنی شانده بازرگانییهکانی تونس بۆ ههولێری پایتهخت وا دهخوازێت کهشاندێكی بازرگانی ههرێم بچێته تونس.
ههروهها وتی:"لهنزیکهوه دهتوانن ئاگاداری رهوشی ئابووری کوردستان بن، کهلهسایهی ئاسایش و سهقامگیری بازاڕ و بهشه بودجهیهکی ساڵانهی ههرێم لهبودجهی گشتی عێراقدا، وایکردووه که زۆربهی کۆمپانیاکانی وڵاتانی جیهان خوازیاربن که لێرهدا کار بکهن، بۆیه کۆمپانیا تونسییهکان دهکرێت پهله بکهن و دهرفهتی کارکردن لهکوردستاندا بۆ خۆیان مسۆگهر بکهن."روونیشیکردهوه و وتی:"ئێستا ههردوو سێکتهری کشتوکاڵ و گهشتوگوزار لهکوردستاندا بهرهو گهشانهوه دهچن، تونسییهکانیش لهو دوو بوارهدا زۆر شارهزان بۆیه دهکرێت کۆمپانیاکانی ئهو وڵاته لهو دوو سێکتهرهدا خزمهتگوزارییهکانیان پێشکهش بهخهڵکی ههرێم بکهن."لای خۆیهوه، خاتوو وهجیهه جهبابلی نوێنهری کۆمپانیای ئهمتاکس که هاوکات سهرۆکایهتی شاندهکهی دهکرد، خۆشحاڵی خۆی دهربڕی بههاتنیان بۆ ژوور و ئامانجی سهرهکی سهردانهکهیان خستهروو که ئهویش زانینی رهوشی بازرگانی و کاروبارهکانی وهبهرهێنانه لهکوردستاندا.پاشان ئهندامانی شاندی میوان وێڕای ناساندنی خۆیان و پله و سروشتی کاری کۆمپانیاکانیان، هاوکات ئامادهیی خۆیان دهربڕی بهمهبهستی دهستپێکردن بهکارکردنیان لهکوردستاندا، لهبوارهکانی بازرگانی بۆیاخ و پلاستیک و کهلوپهلی خۆراکیدا.
لهلایهکی دیکهوه، بهڕێز خهیات ئامادهیی ژووری بهمهبهستی پێشوازیلێکردن و هاریکاریکرنی ههر شاندێکی تونسی که بێته کوردستان دهربڕی. لهکۆتایی دیدارهکهشدا، بهڕێز خهیات دیاری رێزلێنانی ژووری بهخشییه ئهندامانی شاندی میوان.
رێککهوتی 14/11/2012، لهمهراسیمێكدا دوو یاداشتی لێکگهیشتن، لهلایهن یهکێتی ژوورهکانی بازرگانی و پیشهسازی کوردستان و یهکێتی وهبهرهێنهرانی کوردستان، لهگهڵ ژووری بازرگانی و پیشهسازی ئێرانی – عێراقی لههۆڵی سهعد عهبدوڵا لهههولێری پایتهخت واژۆکرا.
مهراسیمی واژۆکردنهکهش لهچوارچێوهی یهكهمین كۆنفڕانسى پهرهپێدانی بازرگانى نێوان ههرێمی کوردستان و ئێران و بهسهرپهرشتی بهڕێزان دارا جهلیل خهیات سهرۆکی ژووری بازرگانی و پیشهسازی ههولێر و یهحیا ئال ئیسحاق سهرۆکی ژووری بازرگانی ئێرانی – عێراقی و، بهئامادهبوونی بهڕێزان نازم دهباغ نوێنهری حکومهتی ههرێمی کوردستان لهتاران و، حورمهتی بهرپرسی پهیوهندییه بازرگانییهکان لهگهڵ ههرێمی کوردستان لهکۆماری ئیسلامی ئێران و ژمارهیهکی دیکه لهبهرپرسانی حکومی و کهرتی تایبهتی ههردوولا بهڕێوهچوو، ههروهها لهلایهن بهڕێزان باقی محهمهد هادی ئهندامی یهکێتی ژوورهکانی بازرگانی و پیشهسازی کوردستان و ئهحمهد رێکانی سهرۆکی یهکێتی وهبهرهێنهرانی کوردستان و جهانبهخش سنجاوی بهڕێوهبهری گشتی و یوسف باپیر ئهندام لهژووری بازرگانی ئێرانی – عێراقی ئهنجام درا.
بهپێی رێککهوتننامهکان، ههردوولا کار دهکهن بۆ پهرهپێدانی پهیوهندییه بازرگانییهکانی نێوان ههرێمی کوردستان و کۆماری ئیسلامی ئێران، هاوکات کارئاسانی بۆ هاتوچۆکردنی هاووڵاتییان و گواستنهوهی کهلوپهلهکان دهکهن و بهشداریش لهو پێشانگایانهدا دهکهن کهلهلایهن ههردوولاوه رێکدهخرێن، ههروهها کاریش بۆ دامهزراندنی کۆمپانیای هاوبهش و گرتنهبهری ئهو رێوشوێنانهی که یارمهتدهرن بۆ پێشخستنی کهرتی ئابووری بهگشتی دهکرێت.
لهپاشایی واژۆکردنی دوو یاداشتهکهش، لهکۆنگرهیهکی رۆژنامهوانیدا بهڕێز کامهران ئهحمهد وهزیری ئاوهدانکردنهوه و گهشهپێدانی حکومهتی ههرێمی کوردستان تیشكی خسته سهر ئهو خاڵانهی کهههردوو لایهنی کوردستانی و ئێرانی لهمیانهی یهكهمین كۆنفڕانسى پهرهپێدانی بازرگانى نێوانیاندا پێێ گهیشتوون.
ههروهها روونیکردهوه که ههردوولا بڕیاریان داوه که لهمهو دوا دهروازه سنوورییهکان بۆ ماوهی 24 کاتژمێر لهشهو ورۆژێكدا و لهرۆژانی پشووشدا جموجۆڵی بازرگانیان تێدا ئهنجام بدرێت، هاوکات بڕیاریش دراوه که لیژنهیهکی هاوبهش بۆ مهبهستی چارهسهرکردنی کێشهو ئاستهنگهکانی بهردهم کاری بازرگانان پێکبهێندرێت.
رێککهوتی 12/11/2012، لهمیانهی چاوپێکهوتنی نێوان بهڕێزان دارا جهلیل خهیات سهرۆکی ژووری بازرگانی و پیشهسازی ههولێر و رۆڵف ئولریش کونسوڵی گشتی ئهڵمانیا لهههولێر و شاندی یاوهری باس لههاتنی شاندێكی پسپۆڕی ئهڵمانیا بۆ مهبهستی ههڵسهنگاندنی بهرنامه ئابوورییهکانی حکومهتی ئهڵمانیا لهقۆناغی پێشوو و پێشخستنی بۆ داهاتوو لهکوردستاندا کرا.
لهسهرهتای دیدارهکهدا، بهڕێز دارا جهلیل خهیات سوپاسگوزاری ژووری ئاڕاستهی حکومهتی ئهڵمانیا کرد، لهبهرامبهر بهردهوامیدان بهپهیوهندییه ئابوورییهکانی لهگهڵ ههرێمی کوردستان و وتی:"لهماوهی ساڵانی رابردوودا ههردوو وهزارهتی ئابووری و پهرهپێدانی پڕۆژهکان لهئهڵمانیا هاریکاری و هاوکاری ههرێمیان کردووه لهرووی ئابورییهوه و، بهتایبهتیش ههماههنگی ژوورهکانی بازرگانی کوردستان بوون."
ههروهها تیشکی خستهسهر دوایین گهشتهکهیان کهبهیاوهری شاندێکی بازرگانی کوردستان بۆ بهرلین ئهنجامیان دابوو، ههروهها وتی:"ئێمه وهک ژوور کاردهکهین بۆ بههێزکردنی پهیوهندییه دوو قۆڵییهکانی نێوان ههرێم و ئهڵمانیا."
ههروهها داواشی کرد که ههردوولا بهرنامهیهکی هاوبهش بۆ ئایندهی کارهکانی نێوانیان دابنێن، تاکو قۆناغێكی نوێی پهرهسهندووتر بێته کایهوه."
لای خۆیهوه، بهڕێز رۆڵف ئولریش وێڕای دهربڕینی سوپاسگوزاری خۆی له بهرامبهر پێشوازی لێکردنیدا، ئامانجی سهردانهکهی روونکردهوه که بریتییه لهتاوتوێکردنی دوو بابهتی گرنگ، ئهوانیش هاتنی نێردهیهکی ئهڵمانیا لهماوهی ههفتهی داهاتوودا بۆ کوردستان، بهمهبهستی ههڵسهنگاندنی پڕۆژهی کارهکانی ساڵانی رابردووی وهزارهتی پهرهپێدانی ئهڵمانیا لهههرێم و، ههروهها سازکردنی دیدار و کۆبوونهوهیان لهگهڵ ژووره بازرگانییهکانی ههولێر و سلێمانی و دهۆک و چهند کۆمپانیایهکی لۆکاڵی لهکوردستاندا و، دانانی بهرنامهیهکی هاوبهش بۆ قۆناغی ئاینده لهبواری کاری هاوبهش و پهیوهندییه ئابوورییهکانی نێوان ههردوولادا."
ههروهها رایگهیاند و وتی:"کاری ئێمه بههێزترکردنی پهیوهندییهکانی نێوان ههردوولایه لهههموو بوارهکاندا لهپێناو بهرزکردنهوهی ئاستی وهبهرهێنانی ئهڵمانیا بهشێوهیهک بگاته ئاستی وهبهرهێنانی ههردوو وڵاتی ئێران و تورکیا لهکوردستاندا."
لهکۆتایی دیدارهکهشدا، بهڕێز دارا جهلیل خهیات ئامادهیی ژووری بهمهبهستی سهرخستنی ئهو بهرنامهیه خستهروو، که کۆنسوڵخانهی ئهڵمانیا لهبواری پهیوهندییه ئابوورییهکاندا بۆ قۆناغی داهاتوو لهکوردستاندا دایڕشتووه.
رێککهوتی 13/11/2012، بهئامادهبوونى بهڕێزان نێچیرڤان بارزانى سهرۆك وهزیرانی ههرێمى كوردستان و عهلى سهعیدلو یاریدهدهرى سهرۆك كۆمارى ئیسلامى ئێران بۆ كاروبارى نێودهوڵهتى و دارا جهلیل خهیات سهرۆکی ژووری بازرگانی و پیشهسازی ههولێر و ژمارهیهك لهئهندامانی دهستهی کارگێڕی ژوور و، ژمارهیهک لهبهرپرسانی حكومی ههرێمی كوردستان و ئێران، یهكهمین كۆنفڕانسى پهرهپێدانى پهیوهندى بازرگانى وئابورى نێوان ههرێمى كوردستان و ئێران لهههولێری پایتهخت، دهستى بهكارهكانى كرد.
لهسهرهتای دهستپێكردنی کۆنفڕانسهکهدا کهماوهی دوو رۆژ دهخایهنێت و لههۆڵی شههید سهعد عهبدوڵا بهبهشداری نزیکهی 200 خاوهنکار و نوێنهری کۆمپانیا لۆکاڵی و ئێرانییهکان بهڕێوهدهچێت، بهڕێز كامهران ئهحمهد وهزیرى ئاوهدانكردنهوهى كوردستان وتارێكى پێشكهش كرد و تێیدا تیشكى خسته سهر گرنگی ئهو كۆنفڕانسه بۆ ههردوولا، لهههمان کاتدا بهڕێزیان پهیامى بهڕێز جهلال تاڵهبانى سهرۆك كۆمارى عێراقی فیدڕاڵی كه ئاڕاستهى كۆنفڕانس كرابوو خوێندهوه، تێیدا بهڕێز سهرۆک کۆمار وێڕای ئاواتخواستن بۆ سهركهوتنى كۆنفڕانسهكه، تیشكى خسته سهر تۆكمهكردنى پهیوهندییهكانى نێوان ههرێمى كوردستان و كۆمارى ئیسلامى ئێران لهرابردوو و ئێستادا.
پاشان بهڕێزان كازمى قومى سهرۆكى بهشى پهرهپێدانى پهیوهندى بازرگانى نێوان ههرێمى كوردستان و ئێران و یهحیا ئیسحاق سهرۆكى ژوورى بازرگانى و كانزاكانى عێراق وئێران و حهسهن دانایى فهڕ باڵیۆزى ئێران لهعێراق وتاریان پێشكهش كرد و تیایدا وێڕاى ئاماژهدان بهپهیوهندییهكانى نێوان ههردوولا، هاوكات جهختیان لهبرهودان بهپهیوهندیى بازرگانى و ئابوورى و زیادكردنى قهبارهى ئاڵوگۆڕى بازرگانى لهنێوان ههردوولادا كردهوه.
دواتر بهڕێز د. عهلى سهعیدلو یاریدهدهرى سهرۆك كۆمارى ئێران بۆ كاروبارى نێودهوڵهتى لهوتهیهكىدا و تیایدا ئاماژهى بهمێژووى پهیوهندییهكانى نێوان ههرێمى كوردستان و كۆمارى ئیسلامی ئێران كرد و هیواى خواست پهیوهندییهكان زیاتر پهرهیان پێبدرێت.
پاشان بهڕێز نێچیرڤان بارزانى سهرۆك وهزیرانى كوردستان لهوتارێكىدا ئاماژهى بهپهیوهندی لهمێژینهی نێوان ههرێمى كوردستان و ئێران کرد، بهتایبهتی که ئێران لهسهردهمى رژێمى بهعسی رووخاودا باوهشى بۆ لێقهوماوانى ههرێمى كوردستان كردبۆوه.
لهبهشێکی دیکهی وتهکهیدا، بهڕێز نێچیرڤان بارزانی باسی لهپتهوكردنى پهیوهندی ئابورى و بازرگانى لهنێوان كوردستان و ئێران كرد و رێگهكانى پتهوكردنى ئهو پهیوهندییانهى شیكردهوه. هاوكات ئاماژهى بهگرنگى كهرتى تایبهت بۆ كاركردن لهههرێمى كوردستان و رێكخستنى پهیوهندى بازرگانى لهنێوان ههردوولادا کرد لهرێگهى رێكخستنى كارى سنوورهكان و كردنهوهیان بهههمیشهیى و دانانى كوالیتى كۆنتڕۆڵى باش لهو سنوورانهدا، ههروهها هیواى سهركهوتنی بۆ كۆنفڕانسهكه و ئومێدى پهیوهندی باشترى لهنێوان ههردوولادا خواست.
سهرۆک وهزیران ڕاشیگهیاند:"سیاسهت و تێڕوانینى حكومهتى ههرێم ئهوهیه كه باشترین پهیوهندى ههبێت لهگهڵ وڵاتانى دونیا بهگشتى و ووڵاتانى دراوسێ به تایبهتى." ههروهها ڕوونى كردهوه كه ههرێم له ناوچهیهكدایه بهسنوورى ووڵاتانى دهوروبهر دهور دراوه، بۆیه پتهوى و مانهوهى ئابوریى ههرێمى كوردستان بهتواناى گواستنهوهى كاڵا و خزمهتگوزارى لهڕێگهى ووڵاتانى دراوسێوه بهنده."
نێچیرڤان بارزانى وتیشی: "كۆمارى ئیسلامیى ئێران ههم گهل و ههم حكومهتهكهى بهنزیكترین و دێرینترین گهل و حكوومهت دهژمێردرێن لهگهڵ هاوڵاتییانى ههرێم، لهو كاتانهى که كۆمهڵگهى نێودهوڵهتى پشتیان لهگهلى كوردستانى عێراق كردبوو و ڕژێمى بهعسیش بهئاگر و بهئاسن كهوتبووه وێزهى كورد، كۆمارى ئیسلامی ئێران لهپێشهنگى ئهو وڵاتانهى دونیا بوو بهتهنگ ئێش و ئازارى كورد هات و برینى بریندارانى ساڕێژ كرد و ئاواره و لێقهوماوانى كوردستانى لهخۆ گرت، ئێمه لهگهڵ ئێراندا سنوورێكى دوور و درێژ و چهندین خاڵى هاوبهشمان ههیه، بۆیه دهخوازین بۆ سهقامگیریى سنوورهكان و ڕێزگرتن لهسهروهریى خاكى یهكتر و پهرهپێدانى پهیوهندیى ئابوورى و بازرگانى زیاتر، هاوكارى و ههماههنگى زیاتر لهگهڵ یهكتر بكهین، ئێمه كۆمارى ئیسلامی ئێران وهك هاوبهشێكى سروشتى بۆ ههرێمى كوردستان دهبینین."
سهرۆك وهزیران راشیگهیاند و وتی:"ئاستى ئاڵوگۆڕى بازرگانى كۆمپانیا ئێرانییهكان لهگهڵ ههرێمى كوردستان لهساڵى 2006 نزیكهى 3 ملیار و وله2011 گهیشته 6 ملیار و لهماوهى 9 مانگى ساڵى 2012 گهشهى سهندووه بۆ نزیكهى 8 ملیار دۆلار. كهلوپهلهكانیش ئهو پێویستییانهن كه هاوڵاتییانى ههرێم پێویستیان پێیهتی."
ههروهها خۆشحاڵیى خۆى نیشان دا بهوهى كه ژمارهیهكى زۆر لهكۆمپانیاى كهرتى تایبهت بهشدارن لهم كۆنفرانسهدا و، ئاماژهى بهوه دا كه حكومهتى کوردستان كهرتى تایبهت بههاوبهشى ڕاستهقینه بۆ پهرهپێدانى ئابووریى ههرێم لهقهڵهم دهدات و، ئهم كۆنفڕانسهش دهرفهتێكه بۆ سوودگهیاندن بهههردوو كهرتى گشتى و تایبهت لهکوردستاندا.
ههروهها بهڕێز نێچیرڤان بارزانى وتى: "ئهمڕۆ ئێمه بووین بهبهشێك لهسیستهمى ئابوریى جیهانى، بۆیه پێویسته كاڵاكانى هاورده دهكرێن بژمێردرێن و ڕێك بخرێن و چاودێرى بكرێن، بۆ ئهوهى دڵنیا بین لهوهى هیچ زیانێكى بۆ هاوڵاتیانى ههرێم نییه."
لهكۆتایى وتهكهیدا بهڕێز نێچیرڤان بارزانى پێى وابوو كه ئهم كۆنفرانسه دهسپێكى قۆناغێكى تازهیه له بهسیستهماتیككردنى كارى ئابوورى و بازرگانی نێوان ههردوولا و هیواى خواست ببێته سهرهتاى بهرنامهیهكى درێژخایهن بۆ سوودوهرگرتن لهو دهرفهت و توانا ئابووریانهى له ههردوولا ههیه.
لهدوای پێشکهشکردنی وتارهکانیش، بهشداربووانی کۆنفڕانس بۆ چهند تیمێک بهپێی تایبهتمهندی و پسپۆری بوار و کهرتی ئابورییان دابهشکران، ئهویش بهمهبهستی تاوتوێکردنی ئهو ئاستهنگ و گرفتانهی کهبهربهست لهبهردهم کاراکردنی پهیوهندییه بازرگانی و ئابورییهکان دروست دهکهن، پاش کۆبوونهوهکانیشیان تیمهکان لهراپۆرتهکانیاندا پێشنیارهکانیان گهڵاڵه دهکهن و بۆ بهرپرسانی ههردوولایان بهرزدهکهنهوه، تاکو دواتر بخرێنه بواری جێبهجێکردنهوه.
رێککهوتی 19/11/2012، بهڕێز دارا جهلیل خهیات سهرۆکی ژووری بازرگانی و پیشهسازی ههولێر پێشوازی لهژمارهیهک پسپۆڕی ئابووری ئهڵمانیا کرد، که لهبهڕێزان خاتوو بێتینا مولهر بهڕێوهبهری پڕۆژهکان لهگروپی سێکوا و شاندی یاوهری پێکهاتبوون.
لهسهرهتای دیدارهکهدا، بهڕێز دارا جهلیل خهیات وێڕای ئاماژهدان بهگرنگی بهردهوامیدان بهپهیوهندییه دوو قۆڵییهکانی نێوان ههردوولا، باسی لهسهردانیکردنی شانده بازرگانییهکانی ههرێـمی کوردستانی بۆ ئهڵمانیا و ئهڵمانیا بۆ کوردستان کرد، ههروهها رایگهیاند و وتی:"پێویسته ئهڵمانیا سیستهمێكی نوێ بۆ گهیاندنی هاوکارییهکانی بۆ ژووره بازرگانی و پیشهسازییهکانی ههرێم بههاوبهشی لهگهڵ ئهو ژوورانه دابڕێژێتهوه، چونکه ئێستا ئهو ژوورانه پێداویستییهکانیان گۆڕاوه."
روونیکردهوه و وتی:"پێشخستنی ژوورهکانی بازرگانی لهرووی سیستهمی کارکردنهوه زۆر گرنگه، چونکه ئێمه دهمانهوێت لهو سیستمه کۆنهی ئێستا دهربازبین و بچینه قۆناغێکی پێشکهوتووتر، ههڵبهت دهکرێت وڵاتێكی وهک ئهڵمانیا لهو رووهوه ههماههنگ و هاوکارمان بێت."
لای خۆیهوه، بهڕێز خاتوو بێتینا مولهر کهسهرۆکایهتی شاندهکهی دهکرد، وێڕای دهربڕینی سوپاسگوزاری خۆی لهبهرامبهر پێشوازی لێکردنیدا، وتی:"ئێمه خوازیارین بزانین که ژوورهکانی ههرێم تاچهند سوودمهندی بهرنامه هاوکارییهکانی ئهڵمانیا بوون لهماوهی سێ ساڵی رابردوودا، ههروهها تاچهند ئهو بهرنامهیه کاریگهری لهسهر ژوورهکان داناوه."زیاتر روونیکردهوه و وتی:"ئێمه چاوهڕوانی پێشنیاز و داخوازییهکانی ئێوهین، تاکو بهرنامهیهکی پوخت بۆ ئایندهی کاره هاوبهشاکانمان دابنێین."
لهکۆتایی دیدارهکهشدا، بهڕێز دارا جهلیل خهیات ئامادهیی ژووری بهمهبهستی سهرخستنی ئهو بهرنامهیه خستهروو، که بڕیاره وهزارهتی ئابووری و ژووری بازرگانی ئهڵمانیا لهگهڵ کونسوڵخانهی ئهڵمانیا لهههولێر بههاوبهشی لهگهڵ ژوورهکانی بازرگانی کوردستان دایبڕێژن.
1$=1488
بههای گۆرینهوهی دیناری عیراقی به دولاری ئهمری...